الغواص نيوز _ ينفرد مرصد طيور العقبة في تقديم وجبات معرفية وتوعوية من خلال سرد تفاصيل ومعلومات عن دورة الحياة للطيور ومحطاتها وهجرتها وانواعها بقالب يحمل معه سرد مبسط يشبه حكايا العامة في نقل الأحداث وتفاصيلها .
اليوم، مرصد طيور العقبة يقدم معلومات عن طيوره يحاكي فيها قصص البسطاء وعامة الناس لشد انتباههم وخلق عنصر التشويق في قراءة اخر حرف كتب ، لترسيخ ذاكرتهم بمعلومات مفيدة في يوم ما .
اليوم كتب مرصد طيور العقبة وقال ….
” بما انه الدنيا الظهر ويمكن البعض نعسان 🥴
وانت نعسان، ما عمرك سالت حالك شو بتفيدنا الطيور!!! 😆
طيب ما اجاك جواب من اعماقك 🥹 انه اصلا الطيور ما ليها فائدة واللي بيشتغلوا في حمايتها ناس فسقانين 😁
هون صار بدها كاسة شاي علشان نحكيلكم انه هذا رأي كثير من الناس الغير مدركين لحجم الاهمية الكبيرة للطيور (طبعا لانهم نعسانين كانوا 😅)
علشان هيك اسمعوا هالسولافة اليوم والمره الجاي بنحكيلكم سولافة ثانية
بما انه تبعون الطيور فسقانين
خلينا نشوف جماعة الحشرات 😆😆😆
الحشرات انواع كثييير كبيرة ولا زال العلم لم يكتشف بعضها حتى هذه اللحظة
هاي الحشرات إلها مخاطر ومنافع
من #المنافع انها تقوم بتلقيح النباتات وتساهم بشكل رئيسي في زيادة انتاج المحاصيل والثمار (اللي هو مهم جداً للانسان في عملية الغذاء)
ومن #المخاطر انها تساهم في انتقال الامراض وتؤثر على جودة الحياة (اللي هي كمان مهمة للانسان)
وهاي الحشرات معدلات نموها كبيرة لانه تقريبا كل 40 يوم بتنتهي دورة حياتها وكل حشرة تضع مئات واحيانا الاف البيوض في كل عملية تكاثر 😟😟
يعني بشرح بسيط تقريباً كل حشرة قادرة على انتاج 1000 حشره في فترة زمنية تعادل شهر”
طيب شو دخل الطيور بالموضوع؟؟!!
اااااه
الطيور هي مربط الفرس، لانها الكائن الحي الرئيسي في جميع السلاسل الغذائية #تقريبا الذي يتغذى على الحشرات
ايش يعني
يعني الطيور هي #المسيطر الاكفئ في هذا الكوكب على الحشرات
كل طير صغير او متوسط الحجم قادر على التهام اكثر من 100 حشرة يوميا
هاي ال 100 حشرة لو بقيت على قيد الحياه ستنتج مئات الالاف من الحشرات خلال فترة زمنية قصيرة
يعني الحشرة اللي بياكلها الطير اليوم لو ما اكلها رح تعطينا 1000 حشرة بعد شهر والالف حشره بيصيروا مليون بعد شهر والحسابة بتحسب 😵💫😵💫😵💫
وهذا الكم الهائل من الحشرات في حال وجودة 😭😭
سيزيد نسبة انتشار #الامراض
وسيزيد كذلك من الفتك بالمحاصيل مما سيتسبب للانسان ب #الوباء #والمجاعة
هون لا زموتشرب شفّة شاي وتريّح شوي
الوباء والمجاعة خطران قادران على انهاء حياة الانسان
والدليل انه الصينيين في عام 1957 اتخذوا قرار يصيدوا كل الطيور الصغيرة لانها بتاكل بعض حبوب القمح اللي بيزرعوها وفي عام 1959 حدثت اكبر الكوارث الغذائية في العالم بسبب هذا القرار وذلك لان الحشرات سيطرت على المحاصيل الزراعية وتحديدا القمح مما تسبب في نقص انتاجية الغذاء فتسبب ذلك بحدوث #مجاعة تسببت #بموت 43 مليون شخص تقريبا
اعطيها شفّة شاي ثانية وصحصح
احنا عارفين انك رح تقول
طيب في مبيدات حشرية ممكن تغنينا عن الطيور
صحيح
وعلشان خاطرك بدنا نتفق مع هذا الرأي مبدئياً ونوضّح
انه
وحتى في حال كان استخدم الانسان للمبيدات الحشرية بيغنينا بعض الشيئ عن الطيور
إلا انه الكلف المالية والجهود المطلوبة لتنفيذ سيطرة مماثلة لسيطرة الطيور على الحشرات ستكون ليست بمقدور الانسان سواء كان في دولة متقدمة او دولة فقيرة
اضافة الى ان عملية المكافحة بالمبيدات الكيميائية ستؤثر سلباً على مستويات جودة الماء والهواء والغذاء (وهذا يعني ضرر صحي للانسان)
يعني الطيور طالعة طالعة
وبلا منافس 😲😲💪💪💪
معقول كل هالحكي
نعم معقول
وهذا شكل واحد من اشكال منافع الطيور للانسان
وسنتطرق لاحقاً لمنافع اخرى كبيرة
وتخيل كل هذا الجهد اللي بتقوم فيه الطيور وما بييجيك على فاتورة الكهربا رسوم مكافحة الحشرات 😁😁
اسفين طولنا عليكم 🤠
اللي وصل لهون يكتب اي شي علشان نعرف مين قرأ المعلومة كاملة🫶 واللي بعمل مشاركة للمنشور بنحكيلة الله يعطيك العافية🙏🙏